जिओ गिगाफायबर लॉंच: जाणून घ्या प्लॅन, ऑफर आणि टीव्हीची माहिती

जगातील सर्वांत मोठे मोबाईल डाटा नेटवर्क असलेल्या रिलायन्स जिओने अखेर जिओ गिगाफायबरच्या सेवेची घोषणा केली आहे. भारतातील सुमारे १६०० शहरांमध्ये जिओ फायबरच्या माध्यमातून ही होम सर्व्हिस दिली जाणार आहे.

सध्या भारतात स्थिर जोडणी ब्रॉडबँडचा सरासरी वेग २५ एमबीपीएस (मेगा बाइट प्रति सेकंद) आहे. अमेरिकेत हा वेग ९० एमबीपीएस आहे. भारतातील १०० टक्के पूर्ण फायबर ब्रॉडबँड सेवा १०० एमबीपीएस वेगाने सुरू होत आहेत. ती भविष्यात १ जीबीपीएसपर्यंतही जाईल. यामुळे जगातील आघाडीच्या पाच ब्रॉडबँड देशांमध्ये भारत स्थान मिळवेल.

जिओ गिाफायबर प्लॅनचे भाडे ६९९ रुपयांपासून ८,४९९ रुपयांपर्यंत आहे. किमान भाड्याचा प्लॅन असलेल्या ग्राहकांनाही १०० एमबीपीएस वेग मिळेल. ग्राहकांना १ जीबीपीएसपर्यंत वेग मिळणार आहे. सर्वांना किफायतशीर दरात सेवा मिळावी यासाठी अनेक प्लॅन आणण्यात येणार आहेत. जिओच्या प्लॅनचे भाडे जागतिक दरांच्या एकदशांशापेक्षा कमी किमतीचे आहेत.

६९९ रुपयांच्या प्लॅनमध्ये काय-काय मिळणार
जिओच्या सुरुवातीचा प्लॅन हे ब्रॉन्झ आहे. यामध्ये ग्राहकाला १०० एमबीपीएस पर्यंत वेग मिळेल. या प्लॅनमध्ये ग्राहकांना अनलिमिटेड डेटा (१०० जीबी+५० जीबी अतिरिक्त) मिळेल. या प्लॅनमध्ये मोफत व्हाईस कॉलिंगचा फायदा मिळेल. म्हणजेच ग्राहकांना भारतात कोणत्याही क्रमांकावर कॉल करता येईल.

८४९ रुपयांच्या प्लॅनमध्ये काय-काय मिळणार
८४९ च्या प्लॅनमध्ये ग्राहकांना १०० एमबीपीएसचा स्पीड मिळेल. यामध्ये ग्राहकांना अमर्यादित डेट (२०० जीबी+२०० जीबी अतिरिक्त) मिळेल. प्लॅनमध्ये ग्राहकांना मोफत व्हाईस कॉलिंगचा फायदा मिळेल. म्हणजेच ग्राहकांना भारतात कोणत्याही क्रमांकावर कॉल करता येईल.

१२९९ रुपयांचा प्लॅनमध्ये मिळेल मोफत टीव्ही
जिओच्या १२९९ रुपयांच्या गोल्ड प्लॅनमध्ये ग्राहकांना २५० एमबीपीएसची स्पीड मिळेल. प्लॅनमध्ये ग्राहकांना अमर्यादित (५०० जीबी+ २५० जीबी अतिरिक्त) डेटा मिळेल. ग्राहकांना या प्लॅनमध्ये मोफत व्हाईस कॉलिंगचा फायदा मिळेल. या प्लॅनमध्ये ग्राहकांना 4K स्मार्ट टीव्ही सेट मिळेल.

२४९९ रुपयांच्या प्लॅनची माहिती
रिलायन्स जिओच्या २४९९ रुपयांच्या डायमंड प्लॅनमध्ये ग्राहकांना ५०० एमबीपीएसचा स्पीड मिळेल. या प्लॅनमध्ये अमर्यादित डेटा (१२५० जीबी + २५० जीबी अतिरिक्त) मिळेल. ग्राहकाला या प्लॅनमध्ये मोफत व्हाईस कॉलिंगचाही फायदा मिळेल. म्हणजेच ग्राहकाला लँडलाईन फोनने देशात कोणत्याही क्रमांकावर फोन करता येईल. २४९९ रुपयांच्या प्लॅनमध्ये २४ इंचाचा एचडी टीव्ही मिळेल.

३९९९ रुपयांच्या प्लॅनमध्ये १ जीबीपीएसचा स्पीड
रिलयान्सच जिओच्या ३९९९ रुपयांच्या प्लॅटिनम प्लॅनमध्ये ग्राहकाला एक जीबीपीएस स्पीड मिळेल. प्लॅनमध्ये ग्राहकाला अमर्यादित डेटा (२५०० जीबी) मिळेल. या प्लॅनमध्येही व्हाईस कॉलिंगचाही फायदा मिळेल. म्हणजेच ग्राहकाला लँडलाईन फोनने देशात कोणत्याही क्रमांकावर फोन करता येईल. या प्लॅनमध्ये ३२ इंचाचा एचडी टीव्ही मिळेल.

८४९९ रुपयांच्या प्लॅनमध्ये ४३ इंचाचा टीव्ही
जिओच्या ८४९९ रुपयांच्या मासिक प्लॅनमध्ये ग्राहकाला १ जीबीपीएसचा स्पीड मिळेल. या प्लॅनमध्ये ग्राहकाला ४३ इंचाचा 4K टीव्ही मिळेल. या टीव्हीची किंमत ४४९९० रुपये आहे. या प्लॅनमध्ये ग्राहकाला एका महिन्यात ५००० जीबी डेटा मिळेल. 

जिओ फायबर केबल टी.व्ही

जिओ फायबर कनेक्शनबरोबर टी.व्ही सर्व्हिस घेण्यासाठी ग्राहकांना सबस्क्रिप्शन घ्यावे लागणार आहे. ही सर्व्हिस फक्त डीटीएचच्या माध्यमातूनच मिळणार आहे. केबल सर्व्हिससाठी जिओ मोफत सेट-टॉप बॉक्स देखील मिळणार आहे. या सेट-टॉप बॉक्समध्ये अनेक फिचर असून त्यात व्हिडिओ कॉलिंगसोबत मिक्स रिऍलिटी सर्व्हिस मिळणार आहे.

जिओ फायबर कनेक्शनबरोबर टी.व्ही सर्व्हिस घेण्यासाठी ग्राहकांना सबस्क्रिप्शन घ्यावे लागणार आहे. ही सर्व्हिस फक्त डीटीएचच्या माध्यमातूनच मिळणार आहे. केबल सर्व्हिससाठी जिओ मोफत सेट-टॉप बॉक्स देखील मिळणार आहे. या सेट-टॉप बॉक्समध्ये अनेक फिचर असून त्यात व्हिडिओ कॉलिंगसोबत मिक्स रिऍलिटी सर्व्हिस मिळणार आहे.

फ्री- व्हॉइस कॉल

जिओ होम फोनमध्ये कंपनी ब्रॉडबँड कनेक्शनसोबतच लँडलाइन सेवा देण्यात येत आहे. या सेवेमुळं ग्राहक देशभरात फ्री व्हॉइस कॉल करू शकणार आहेत. तसंच कमी दरात आंतरराष्ट्रीय फोन करू शकणार आहेत.

अशी करावी नोंदणी – 
जिओ गिगा फायबरसाठी नोंदणी १५ ऑगस्टपासून सुरु झाली आहे. ज्या ग्राहकांना या ब्रॉडबँड सर्व्हिसची बुकिंग करायची असेल, ते कंपनीच्या अधिकृत वेबसाइट jio.com किंवा My Jio App हून करू शकतात. जर जिओ फायबरची सुविधा आपल्या परिसरात उपलब्ध असेल तर जिओचे प्रतिनिधी आपल्याशी संपर्क साधतील.